Տպել
Վարչապետ Նիկոլ Փաշինյանը հաճախ է խոսում իր ու իր թիմի սկզբունքային և ինտելեկտուալ լինելու մասին։ Ցավով պետք է արձանագրել, որ վարչապետ Փաշինյանի գնահատականը իր ու իր թիմի մասով բավական չափազանցված են։
Նոր իշխանություններին ինտելեկտուլ անվանելը մեղք է, իսկ սկզբունքայնության մասին խոսելը նման է հայհոյանքի։ Նիկոլ Փաշինյանը և իր թիմի բազմաթիվ անդամներ առնվազն մի քանի անգամ թիմ ու գաղափարախոսություն են փոխել։
Նոր իշխանության նման դեմքերից է պատգամավոր Վիկտոր Ենգրբարյանը։ Նա հասցրել է լինել ԲՀԿ-ից, «Լուսավոր Հայաստանից» և որ ամենակարևորն է ժամանակին նրա ամենասիրելի հասցեներից մեկը Մելիք Ադամյան 2-ն էր։
Ենգիբարյանը այնքան էր կապված նախկին իշխանություններին, որ անգամ ստորագարահավք էր կազմակերպել և պատրաստակամություն էր հայտնել միանալ Երևանից Ստեփանակերտ թռնող առաջին ինքնաթիռի ուղևոր Սերժ Սարգսյանին։ Ցավոք սրտի Ենգրբարյանը չկարողացավ «թռնել» Սերժ Սարգսյանի հետ, բայց փոխարենը կարողացավ ձևացնել, թե «քայլել» է Նիկոլ Փաշինյանի հետ ու պատգամավորական մանդատի արժանացավ։
Ու հիմա չորս-հինգ թիմ փոխած գործիչը անհանդուրժող է ոչ սկզբունքային գործիչների նկատմամբ, իսկ նախկին իշխանությունների հետ անգամ ամենահեռակա կապ ունեցողներին համարում է «լափամանից զրկվածներ»։
