Տպել
Փետրվարի 1-ին՝ ժամը 07։59-ին, Կարեն Դեմիրճյանի անվան Երևանի մետրոպոլիտենից 911 ահազանգման կենտրոն ահազանգ է ստացվել այն մասին, որ «Հանրապետության հրապարակ» կայարանի շատրվաններին կից տարածքում այրվում է տաղավար, որն օգտագործման ենթակա չէր, սակայն նախկինում հանդիսացել էր որպես սրճարանի տարածք։ Այս մասին իր ֆեյսբուքյան էջում գրել է Երեւանի Կարեն Դեմիրճյանի անվան Մետրոպոլիտենի մամուլի խոսնակ Տաթեւ Խաչատրյանը:
«Հարգելի՛ քաղաքացիներ,
Տեղեկացնում ենք Ձեզ, որ սույն թվականի փետրվարի 1-ին՝ ժամը 07։59-ին, Կարեն Դեմիրճյանի անվան Երևանի մետրոպոլիտենից 911 ահազանգման կենտրոն ահազանգ է ստացվել այն մասին, որ «Հանրապետության հրապարակ» կայարանի շատրվաններին կից տարածքում այրվում է տաղավար, որն օգտագործման ենթակա չէր, սակայն նախկինում հանդիսացել էր որպես սրճարանի տարածք։ Դեպքի վայր են ժամանել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ ։
Հրդեհը մեկուսացվել է ժամը 08։16 -ին, մարվել՝ 08։52-ին։
Հավելեմ նաև, որ դեպքից տուժածներ չկան»։
