Ամերիկահայ երգչուհի Սոնա Նալբանդյանը՝ ուսումը Երեւանում շարունակելու, հայերեն սահուն խոսելու եւ մարդկանց արձագանքի մասին

Ամերիիկահայ երգչուհի Սոնա Նալբանդյանը, որը երաժշտասերների շրջանում հայտնի է դարձել Անդրեի հեղինակային Andrenaline նախագծի շնորհիվ, ուսումը շարունակելու նպատակով Լոս Անջելեսից տեղափոխվել է Երեւան: Սոնան այժմ սովորում է Կոմիտասի անվան պետական կոնսերվատորիայում՝ դասական վոկալ բաժնի առաջին կուրսում:

«Մինչեւ որոշում կայացնելս, եկել էի կոնսերվատորիան ուսումնասիրելու եւ հասկացա, որ այն, ինչ այնտեղ էին առաջարկում, ոչ մի այլ կոնսերվատորիայում չէի գտնի: Կարծում եմ՝ պատճառն այն է, որ հայերը ոչ միայն կիրթ ազգ են, այլեւ այնքան խորը եւ թանկ պատմություն ունեն, որը զգացվում է մարդկանց կրթական մակարդակից: Որպես երաժիշտ՝ պետք է քո սեփական պատմությունն իմանաս, թե որտեղից ես եկել, որ հասկանաս՝ ուր ես ուզում գնալ»,-նշում է Սոնան, որն արդեն մոտ 6 ամիս է՝ Երեւանում է: Ասում է՝ դժվար չի եղել Լոս Անջելեսից հետո երեւանյան ռիթմին հարմարվելը:

«Ինձ վրա փոփոխությունն այնքան էլ չի ազդել, նունիսկ, կարող եմ ասել, որ ինձ օգնել է առաջ քայլել, որովհետեւ ժամանակը շատ թանկ բան է: Լոս Անջելեսում կյանքն ավելի արագ ռիթմ ունի, այնտեղ ապրելն ինձ սովորեցրել է՝ ինչպես դասավորել օրս՝ թե անձնականում, թե գործի մեջ, թե ուսման: Իսկ Հայաստանն ինձ սովորեցնում է գիտակցել, թե ինչն է, իսկապես, ինձ համար կարեւոր կյանքում եւ թույլ է տալիս, որ ներկա լինեմ հենց այդ պահին ու վայելեմ այն»:

Ամբողջությամբ՝ news.am