Տպել
Դպրոցական առաջին օրը ցանկացած երեխայի համար բավական լուրջ սթրես է, և այն, թե նա ինչպես կհաղթահարի այդ սթրեսը՝ առաջին հերթին կախված է նրանից, թե որքանով են նրան նախապատրաստել այն ամենին, ինչ նրան սպասում է սեպտեմբերի 1-ին:
Առաջին հերթին երեխային պետք է ճիշտ տեղեկություն տալ այն մասին, թե նրան դպրոցում ինչ է սպասում: Այդպես նա անիրական սպասումներ և դրան հետևող հիասթափություններ ու սթրես չի ունենա:
Երեխան պետք է իմանա, որ դպրոցը չի նշանակում միայն դասեր և գիտելիքների ստացում: Դպրոցը նաև այլ մարդկանց՝ համադասարանցիների և ուսուցիչների հետ շփվելու վայր է:
Եթե երեխան չունի նոր մարդկանց հետ ծանոթանալու և նրանց հետ շփվելու լավ փորձ, ապա ծնողները նրան պետք է օգնեն նախապատրաստվել նոր մարդկանց հետ ծանոթությանը:
Դպրոցին հեշտ են վարժվում միայն այն երեխաները, որոնք մանկապարտեզում ևս չեն բախվել հարմարվելու հատուկ սթրեսի:
