Տպել
Առողջապահության համաշխարհային կազմակերպությունը նախազգուշացնում է՝ COVID-19 նոր տեսակի կորոնավիրուսը կարող է վերածվել համաճարակի: ԱՀԿ գլխավոր տնօրեն Թեդրոս Ադանոմ Գեբրեյեսուսը հայտարարել է, որ թեև այժմ խոսքը գնում է աշխարհի տարբեր կետերում վարակի տարածվածության մասին, բայց հիվանդությունն ունի համաճարակի վերածվելու պոտենցիալ:
Նա նաև կոչ է արել բոլոր երկրներին՝ կենտրոնացնել ուշադրությունը կանխարգելիչ միջոցառումների վրա՝ պատրաստվելով հնարավոր համաճարակին: Ընդ որում, ըստ նրա, ամեն մի երկիր ինքը պետք է իրականացնի ռիսկի գնահատում:
Վաղը ԱՀԿ փորձագետները կժամանեն Իրան՝ օգնելու կորոնավիրուսի դեմ պայքարում:
