Տպել
ՀՀ առաջին նախագահ Լևոն Տեր-Պետրոսյանը չի պատրաստվում մեկնել Բրյուսել, չնայած նման հրավեր եղել է: Հայ ազգային կոնգրեսի փոխնախագահ Լևոն Զուրաբյանը Sputnik Արմենիայի հետ զրույցում հերքեց լուրը, թե Տեր–Պետրոսյանը ՀՀ վարչապետ Նիկոլ Փաշինյանի բրյուսելյան այցից հետո որոշել է ինքն էլ գնալ այնտեղ։
«Եվրապառլամենտից նման հրավեր կա, բայց որոշել ենք, որ ես եմ գնալու Բրյուսել։ Այնտեղ ստանդարտ հանդիպումներ կլինեն` կապված պառլամենտի Եվրոպայի Լիբերալ-դեմոկրատական կուսակցությունների դաշինքի (ԱԼԴԵ) գործունեության հետ»,–ասաց Զուրաբյանը։
Նրա խոսքով` ԱԼԴԵ–ն ժամանակ առ ժամանակ կլոր սեղաններ է անցկացնում ` Արևելյան գործընկերության երկրների լիբերալ կուսակցությունների ներկայությամբ։ Սա Հայ ազգային կոնգրեսի` ԱԼԴԵ–ի կլոր սեղաններին մասնակցելու առաջին հրավերը չէ։
Հիշեցնենք, որ Փաշինյանը Բրյուսել էր մեկնել մարտի 9–ին։ Այցի շրջանակում վարչապետը հանդիպել էր ԵՄ-ում Եվրոպական ամենամեծ ժողովրդական կուսակցության առաջնորդ Դոնալդ Տուսկի հետ:
ՀՀ երկրորդ նախագահ, Հանրապետական կուսակցության նախագահ Սերժ Սարգսյանը ևս օրերս Բրյուսելում հանդիպեց ԵԺԿ առաջնորդի հետ:
