Տպել
Կորոնավիրուսային ինֆեկցիայով վարակվելուց հետո լիակատար առողջացման համար մինչեւ 6 շաբաթ է անհրաժեշտ։ Այսպիսի կարծիք է հայտնել Առողջապահության համաշխարհային կազմակերպության արտակարգ իրավիճակների հարցերով գործադիր տնօրեն Մայք Ռայանը։
Ինչպես գրում է CNN-ը, ԱՀԿ մասնագետները հիշեցրել են, որ դեռեւս չկան կորոնավիրուսի դեմ դեղամիջոցներ, սակայն պատշաճ խնամքի եւ բուժման դեպքում վարակվածները կարող են առողջանալ։
«Այդ հիվանդությունից առողջանալու համար մինչեւ վեց շաբաթ կարող է պահանջվել։ Մարդկանց, որոնք տառապում են շատ ծանր ձեւից, կարող են ամիսներ պահանջվել առողջանալու համար»,- ասել է Ռայանը։
Վերջին տվյալներով՝ կորոնավիրուսն արդեն 4382 կյանք է տարել։ Մահացածների մեծ մասը (3158) Չինաստանում են եղել։ Մահացածության դեպքերով երկրորդ տեղում Իտալիան է, այնուհետեւ Իրանն ու Հարավային Կորեան։
