Տպել
Ինչպե՞ս թեթև վերապրել ինքնամեկուսացումը. 30 տարի միայնակ Սարդինիա կղզում անցկացրած ճգնավոր Մաուրո Մորանդին պատմել է իր փորձի մասին:
Ինչպես պատմում է CNN-ը, 1989 թվականին Միլանի Immobiliare Nuova Gallura ընկերությունը Բուդելլի կղզում որպես վերակացու վարձել է Մորանդիին: Ֆինանսական դժվարությունների պատճառով 2006 թվականին ընկերությունը չի կարողացել վճարել նրան, սակայն նա որոշել է կղզում անվճար մնալ: Այժմ նա 81 տարեկան է: Նա ստացել է իտալական Ռոբինզո Կրուզո անունը:
Չնայած նրան, որ Մորանդին մեկուսացած է ապրում, նա հեռախոսով հետևում է վերջին նորություններին: Սակայն նա անհանգստանում է իտալական Մոդենա քաղաքում գտնվող իր հարազատների համար, քանի որ այնտեղ ևս տարածված է կորոնավիրուսը: Կորոնավիրուսը Մորանդիի կյանքի վրա չի ազդել, միայն զբոսաշրջիկների հետ հանդիպումներն են վերացել:
Մորանդին իրեն միայնակ չի զգում: Ավելին, նրա կարծիքով, կարանտինն ու ինքնամեկուսացումը հիանալի է հնարավորություն է ինքդ քեզ ճանաչելու համար:
Մորանդին մարդկանց խորհուրդ է տվել ինքնամեկուսանալ, սկսել գրքեր կարդալ և ճանաչել սեփական անձն ու վերլուծել սեփական կյանքը:
«Շատերը սովոր են ապրել հարմարավետության գոտում և անիմաստ կենսակերպ անցկացնել»,- ասել է նա:
