Տպել
Հնդկաստանի իշխանությունն այսօր կորոնավիրուսի տարածումը կանխելու համար երեք շաբաթով ընդհանուր կարանտին է հայտարարել։ Ոստիկանությունը շատ խիստ միջոցներով պատժում է խախտողներին։ Այս պահից սկսած մարդկանց թույլ չի տրվում տնից դուրս գալ։
1,3 միլիարդ բնակչություն ունեցող Հնդկաստանում COVID-19 վիրուսով վարակվածության 562 դեպք է գրանցվել, ինը մարդ մահացել է։ Այս երկրում խիստ մեկուսացման ռեժիմը կտևի 21 օր։
Մարտի 11-ին ԱՀԿ–ն կորոնավիրուսի բռնկումը համավարակ էր հայտարարել։ Կազմակերպությունը կոչ էր արել պետություններին միանալ վարակի դեմ ակտիվ պայքարին։
