Տպել
Հայաստանում կորոնավիրուսի հաստատված դեպքերի թիվը հասել է 1248-ի, բուժվածների թիվը՝ 523-ի։ Ապրիլի 18-ի, ժամը 11։00-ի դրությամբ Հայաստանում արձանագրվել է կորոնավիրուսով վարակվելու 47 նոր դեպք: Գրանցվել է մահվան 20 (ավելացել է ևս մեկը) դեպք: Ընդհանուր առմամբ կատարվել է 11 հազար 796 թեստ։ Այս մասին նշված է ՀՀ ԱՆ հիվանդությունների վերահսկման և կանխարգելման ազգային կենտրոնի կայքում:
Այս պահին փաստացի բուժում է ստանում 705 պացիենտ:
ՀՀ առողջապահության նախարարի մամուլի խոսնակ Ալինա Նիկողոսյանը հայտնել է, որ ապրիլի 17-ին մահացած 75-ամյա պացիենտն ունեցել է կորոնավիրուսային հիվանդություն, հաստատված երկկողմանի ինֆիլտրատիվ թոքաբորբ։
«Կինն ունեցել է նաև ուղեկցող խրոնիկ հիվանդություններ` զարկերակային գերճնշում III աստիճանի, ճարպակալում II-III աստիճանի: Բուժման ընթացքում զարգացել է սուր շնչական անբավարարություն III աստիճան, դիսթրես համախտանիշ, աթերոսկլերոզ գերազանցապես ուղեղի և կորոնար անոթների ախտահարումով»,-հայտնել է խոսնակը:
