Տպել
65-րդ «Եվրատեսիլ»-ն այս տարի անցկացնելուն խանգարեց կորոնավիրուսի պանդեմիան։ Այժմ այն Ռոտերդամում պետք է կայանա հաջորդ տարվա մայիսին: Բայց ըստ մրցույթի կանոնների երգերը պետք է այլ լինեն։
Փաստ չէ, որ Ռուսաստանը կրկին կներկայացնի Little Big երիտասարդ խումբը, որն Առաջին ալիքը հայտարարել է այս տարի մասնակցելու համար: Չէ՞ որ, ինչպես ասում են, կան այլընտրանքային տարբերակներ։ Ամենահավանական տարբերակը երգիչ, երգահան Ալեքսանդր Շոուան է («Նեպարա» խմբի մենակատար»)։
Նա ներկայացրել է The Enemy inside («Թշնամին քո ներսում է») երգը, որն ի սկզբանե ծրագրել էր ներկայացնել «Եվրատեսիլում»։ Բայց, երբ երգի մրցույթին ուղարկեցին, այնուամենայնիվ, մեկ այլ խումբ, ստեղծագործությունը թողարկեց սինգլի տեսքով։
Ալեքսանդր Շոուայի հավատարիմ երկրպագուները բազմիցս կատակել են, որ նա մարգարեական երգեր է գրում: Եվ այս ստեղծագործության մեջ շատերը նկատել են թեմաներ, որոնք առկա են մեր այսօրվա բարդ աշխարհում:
Տեսահոլովակի տեսաշարը հավաքվել է ամբողջ աշխարհից՝ շնորհիվ երաժշտի բազմաթիվ գործընկերների եւ ընկերների։ Այն ամենը, ինչ այսօր տեղի է ունենում Երկրում․ դատարկված քաղաքներ, փակ հուշարձաններ եւ տաճարներ, դիմակավորված մարդիկ, դագաղներ փողոցներում եւ ախտահանող աշխատանքային բրիգադներ… Ալեքսանդրը հավատում է, որ շուտով այս սարսափը կավարտվի: «Եվ մենք դեռ կերգենք», – ինչպես ասվում է Ալլա Պուգաչովայի հայտնի հիթում։
