Դանիայում և Լեհաստանում վերսկսվում են ֆուտբոլի առաջնությունները

Եվրոպական մի քանի երկրներում վերսկսվում են կորոնավիրուսի պանդեմիայի պատճառով ընդհատված ֆուտբոլի առաջնությունները:

Դանիայի և Լեհաստանի ֆուտբոլի ֆեդերացիաները հայտարարել են առաջնությունների վերսկսման մասին: Լեհաստանում առաջնությունը կվերսկսվի մայիսի 27-ին, իսկ Դանիայում` մայիսի 29-ին:

Դանիայի առաջնությունում է հանդես գալիս Հայաստանի ֆուտբոլի ազգային թիմի կիսապաշտպան Էդգար Բաբայանը:

Ավելի վաղ պանդեմիայի պատճառով վաղաժամ եզրափակվել էր Ֆրանսիայի ֆուտբոլի առաջնությունը և երկրի չեմպիոն էր հռչակվել ՊՍԺ-ն:

Մարտի 10-ից սկսած կորոնավիրուսի պանդեմիայի պատճառով չեղարկվել են եվրոպական մի շարք երկրների առաջնություններ, բացառությամբ Բելառուսի առաջնության: Չեն անցկացվում նաև Եվրոպա լիգայի և Չեմպիոնների լիգայի խաղերը: