Տպել
Besoccer հարթակը՝ ProFootballDB-ի հետ համատեղ ներկայացրել է XXI դարի լավագույն ֆուտբոլիստների վարկանիշը:
Ցուցակը կազմելիս օգտագործվել է ELO համակարգը, որը հաշվի է առնում ֆուտբոլիստի ազդեցությունը խաղի վրա` խփած գոլերի քանակի, ինչպես նաև մրցակիցների ու մրցաշարերի մակարդակի միջոցով:
Դասակարգման առաջին տեղը գրավել է «Բարսելոնայի» հարձակվող Լիոնել Մեսսին՝ վաստակելով 100 միավոր 100 հնարավորից: Երկրորդ տեղում է «Յուվենթուսի» հարձակվող Կրիշտիանու Ռոնալդուն: Նա նույնպես ունի 100 միավոր, բայց Մեսսին վիճակագրության մեջ նրան գերազանցում էր: Երրորդ տեղում է «Արսենալի» նախկին հարձակվող Թիերի Անրին (98):
XXI դարի 15 լավագույն ֆուտբոլիստներ.
- Լիոնել Մեսսի
- Կրիշտիանու Ռոնալդու
- Թիերի Անրի
- Լուիս Սուարես (97)
- Զլատան Իբրահիմովիչ (97)
- Հարի Քեյն (97)
- Մոհամեդ Սալահ (97)
- Նեյմար (96)
- Ռոբերտ Լևանդովսկի (96)
- Ռադամել Ֆալկաո (95)
- Սամուել Է’տօ (95)
- Ռոնալդինիո (95)
- Ռիվալդո (95)
- Քրիստիան Էրիկսեն (95)
- Ռաուլ (95):
Նշենք, որ Զինեդին Զիդանը, Խավին (երկուսն էլ՝ 90), Անդրես Ինիեստան (87), Կական (91) ներառված չէին վարկանիշի լավագույն 40-ի մեջ:
Երիտասարդ խաղացողները (օրինակ՝ Ջեյդոն Սանչոն, Էրլինգ Հոլանդը և Կիլիան Մբապեն) դեռևս չունեն վիճակագրության մեծ քանակություն, որպեսզի կարողանան հաշվարկել իրենց վարկանիշն այս համակարգի միջոցով:
Սիրարփի Աղաբաբյան
