Տպել
Կամերային երաժշտության ազգային կենտրոնը մայիսի 6-ին «Ֆեյսբուք»-ի պաշտոնական էջում կներկայացնի Հայաստանի պետական կամերային նվագախմբի «Անմոռանալի «Բիթլզ» խորագրով համերգը: Երեկոյին որպես մենակատար հանդես կգա սաքսոֆոնահար Ֆեդերիկո Մոնդելչին:
«Արմենպրես»-ի հաղորդմամբ՝ կհնչեն հանրահայտ լիվերփուլյան քառյակի սիրված ստեղծագործությունների (A Hard Day՚s Night, Get Back, Yesterday, Hey Jude, Eleanor Rigby, Yellow Submarine, Help, Michelle, Let it Be, Lady Madonna) մշակումները կամերային նվագախմբի և սաքսոֆոնի համար:
Կներկայացվի նաև «Կեսգիշերին» պոպուրին, որտեղ ընգրկվել են Մոնքի, Էլինգթոնի, Գերշվինի, Էվանսի, Բերնսթայնի, Իտուրալդեի, Ջիրոտոյի, Մոլինելիի և Պյացոլայի հանրահայտ ստեղծագործությունները:
Երաժշտասերները LIVE-ին կարող են միանալ ժամը 20:30-ին:
