Տպել
Takprosto.cc կայքը գրում է, որ վարսահարդարիչն օգտագործելու անսովոր բազմաթիվ միջոցներ կան:
Փայտից բծերը հեռացնելու համար
Երբեմն բաժակը փայտե սեղանին դնելու արդյունքում տգեղ հետք է առաջանում: Այդ բիծը հեշտությամբ կարելի է հեռացնել՝ այն 1-2 րոպեի ընթացքում տաքացնելով վարսահարդարիչով:
Ներքնակը փչելիս
Եթե անակնկալ կերպով հյուրեր ունեք, վարսահարդարիչը կարող է օգնել:
Սպեղանին հանելու համար
Այն հանելը բավական տհաճ և ցավոտ իրավիճակ է: Սակայն պարզվում է՝ ցավից կարելի է խուսափել: Մի քանի րոպե վարսահարդարիչով տաքացրեք այն հատվածը, որտեղ այն փակցված է:
Ծրարները բացելու համար
Ծրարը չփչացնելու համար կարող եք օգտագործել վարսահարդարիչը: Արդեն կպցված ծրարը բացելու համար երկու րոպե այն տաքացրեք վարսահարդարիչով:
Ակնամոմը հեռացնելու համար
Մոմերը վառելուց հետո սեղանին հաճախ հետքեր են մնում: Դրանք ևս կարելի է հեշտությամբ հեռացնել վարսահարդարիչի միջոցով: Տաքացնելուց հետո անձեռոցիկով մաքրեք հետքերը:
Ճմրթված հագուստն արդուկելու համար
Եթե ձեռքի տակ արդուկ չկա, ճմրթված հագուստի վրա կարող եք ջուր լցնել, լավ չորացնել վարսահարդարիչով:
Ակնոցի ձևը շտկելու համար
Ակնոցը նախկինի նման չի՞ նստում: Հնարավորություն կա դրանք ուղղելու՝ պլաստմասսայից մասերին պահելով վարսահարդարիչը:
