Տպել
Ամիսներ շարունակ բազմաթիվ բուժաշխատողներ, մոռանալով սեփական կարիքները, անձնվիրաբար պայքարում են կորոնավիրուսի դեմ՝ փրկելով հազարավոր կյանքեր:
Բուժաշխատողի օրվան ընդառաջ Ալ. Սպենդիարյանի անվան օպերայի և բալետի ազգային ակադեմիական թատրոնը նրանց շնորհակալություն է հայտնում յուրահատուկ համերգային ծրագրով, որը կներկայացվի հունիսի 18-ին՝ ժամը 20:00-ին թատրոնի «Ֆեյսբուք»-ի պաշտոնական էջում:
«Թատրոնն ամբողջ անձնակազմի անունից սիրելի արտիստների կատարումներով շնորհակալություն է հայտնում բոլոր բուժաշխատողներին անմնացորդ նվիրումի և բարձր գնահատանքի արժանի աշխատանքի համար: Լցվենք մշակութային ոգով և միասին պայքարենք համաճարակի դեմ»,-ասվում է օպերային թատրոնի տարածած հաղորդագրությունում:
