Տպել
Ամռանը, տարբեր լողափերում կարելի է հանդիպել մարդկանց, ովքեր արևայրուկի լոգանք են ընդունում՝ մերկ: Ոմանք հաճույքով դիտում են, իսկ ոմանք էլ ամոթից երես են թեքում:
Խոսքը նուդիստների մասին է: Ինչպես բացատրել այդ երևույթը: Արդյոք դա այլասերություն է, թե վերադարձ ակունքներին:
Նուդիզմը իբրև սոցիալական երևույթ:
Հին Հունաստանում մերկ մարմինը եղել է պաշտամունքի առարկա: Սպորտային միջոցառումների մասնակիցները հագուստ չեն կրել: Անգամ «գիմնաստիկա» բառը մերկ բառի ածանցյալն է: Հնդկաստանում նուդիզմը հոգևոր սկիզբ է ունեցել: Մերկացումը դիտվել է որպես նյութականից հրաժարման արտահայտչամիջոցներից մեկը:
Նուդիզմը հին Հունաստանում:
Նուդիզմի հրապարակայնացումը Եվրոպայում, 1920-ականներ:
20-րդ դարում Եվրոպայում նուդիզմը նոր թափ հավաքեց: Բոլորին զարմացրեց պահպանողական Գերմանիան: Սոցիոլոգիայի տեսաբանները ամեն նորը, մտածողության փոփոխությունը, զուգակցում էին նուդիզմի հետ:
Տարօրինակ է, բայց 20-րդ դարի 20-ականներին նուդիստական շարժում եղել է նաև ԽՍՀՄ-ում: 1925 թ. Մոսկվայի պողոտաներով սպորտային քայլով շրջել են խմբեր, որոնք ծածկված են եղել բարակ պարանով: Դա «Կորչի ամոթը» շարժման անդամներն էին:
Նուդիզմը ԽՍՀՄ-ում:
Համաշխարհային պրոլետարիատի Առաջնորդը՝ Լենինը, իր աշխատություններից մեկում գրել է. «Նուդիզմը՝ առողջ պրոլետարիական շարժում է»:
Նուդիզմը՝ վերադարձ ակունքներին:
Նուդիզմն իբրև սոցիալական շարժում ունի իր դրական և բացասական կողմերը: Նախ, բոլորի ներկայությամբ մերկացող մարդը ազատագրվում է թերարժեքության բարդույթից:
Բնապաշտները նուդիզմի մեջ տեսնում են բնության և մարդու մերձեցում:
Նուդիստները շատ արագ են ազատվում բարդույթներից:
Իսկ եթե երկնքից իջնենք, պարզ է դառնում, որ մերկ կենսակերպը շուտ ծերացնում է մաշկը:
Լուսանկարիչ Սպենսեր Թունիքը՝ Նյու Յորքից, մերկ մարդկանց լուսանկարները դարձրել է իր մի նախագծի հիմնական թեմա:
kulturologia.ru
Հրապարակման պատրաստեց Պողոս Վարժապետյանը
