Տպել
Օրեր առաջ համացանցում հայտնվեց նոր գիրք արքայական ընտանիքի մասին, «Թշնամանքը արքայական ընտանիքում» գիրքը հեղինակել են լրագրողներ Դիլան Հովարդը և Էնդի Թիլլեթը, հեղինակները հղում են տվել արքայական ընտանիքին մոտ կանգնած սկզբնաղբյուրի՝ չբացահայտելով վերջինիս ինքնությունը։ Գրքում հիմնական թեմաներից մեկն է արքայազններ Հարրիի և Ուիլյամի կոնֆլիկտը։
Հիշեցնենք՝ տարբեր լրատվականներ գրում էին, որ արքայազնների միջև հարաբերությունները լարված են Հարրիի ամուսնության պատճառով. արքայական ընտանիքում բոլորը դեմ էին Մեգանի և Հարրիի միությանը։
Գրքում ներկայացված են կոնֆլիկտի նոր մանրամասներ. պարզվում է, որ արքայական ընտանիքի անդամներին, այդ թվում՝ Ուիլյամին և Քեյթին անհանգստացնում էին Հարրիի մեծ ծախսերը, ամուսնությունից հետո նա անհավանական գումարներ էր վատնում. 33 000 ֆունտ ստերլինգ Հարրին ծախսել է Մեգանի հետ հանգստի մեկնելու վրա, ևս 478 920 ֆունտ ստերլինգ է կազմել Մեգանի նոր զգեստապահարանը՝ հղիների համար։
