Հայտնի են քաղաքները, որտեղ ապրում են ամենաշատ միլիարդատերերը

Wealth-X խորհրդատվական ընկերության վերլուծաբանները նշել են այն քաղաքները, որտեղ 2019 թվականին բնակվել են ամենաշատ միլիարդատերերը: Միլիարդատերերն ամենից շատ սիրում են Նյու Յորքը:

Ամերիկյան քաղաքում ապրում է 113 միլիարդատեր: Մեծահարուստների թվով Նյու Յորքին հաջորդում են Հոնկոնգը (96 մարդ), Սան Ֆրանցիսկոն (77), Մոսկվան (73) և Լոնդոնը (66):

Հայտնի է նաև, որ 57 միլիարդատեր ապրում է Չինաստանի մայրաքաղաք Պեկինում, 45-ը՝ Սինգապուրում, 44-ը՝ Լոս Անջելեսում, 35-ը՝ Դուբայում, 33 միլիարդատեր՝ բրազիլական Սան Պաուլուում, Ստամբուլում և Խանչժոուում՝ 32-ական միլիարդատեր, Ճապոնիայի մայրաքաղաք Տոկիոյում՝ 30 միլիարդատեր:

Պատրաստեց Անի Գաբուզյանը