Տպել
Բռնցքամարտի աշխարհի չեմպիոն Իսրայել Հակոբկոխյանն իր թեկնածությունն է առաջադրել Հայաստանի բռնցքամարտի ֆեդերացիայի նախագահի պաշտոնում:
Օրեր առաջ ֆեդերացիան հայտարարեց, որ հուլիսի 30-ին տեղի է ունենալու ՀԲՖ գործկողմի նիստը, որի ընթացքում հաստատվելու են թեկնածուները, իսկ օգոստոսի 3-ին կկայանան նախագահի ընտրությունները:
Նախկին բռնցքամարտիկ Արթուր Գևորգյանը Հայաստանի բռնցքամարտի ֆեդերացիայի նախագահի պաշտոնում է 2013 թվականից: 2018 թվականին տեղի ունեցած արտահերթ նիստում Գևորգյանը ձայների բացարձակ մեծամասնությամբ վերընտրվեց նախագահի պաշտոնում: Սակայն այս մայիսի 21-ին ՀԲՖ նախագահը հայտարարեց, որ հրաժարական է տալիս զբաղեցրած պաշտոնից, քանի որ իր նկատմամբ ապօրինաբար կատարվում է քրեական հետապնդում և նպատակային կերպով արգելափակվել են իր անձնական բոլոր հաշիվները:
