Արքայազն Ուիլյամը պատմել է Քեյթ Միդլթոնին արած վատագույն նվերի մասին

Արքայազն Ուիլյամը պատմել է ամենավատ նվերի մասին, որը նա տվել է իր կնոջը՝ Քեյթ Միդլթոնին: 38-ամյա դուքսը միջադեպի մասին պատմել է Անգլիայի հավաքականի նախկին ֆուտբոլիստ Փիթեր Քրաուչի պոդքասթի ժամանակ: Տեսանյութը հայտնվել է The Telegraph-ի YouTube-ալիքում:

Արքայազն Ուիլյամը խոստովանել է, որ տարիներ առաջ Միդլթոնին նվիրել է հեռադիտակ: Ուիլյամը կարծել է, որ նվերը շատ գեղեցիկ տեսք ունի: Երբ Քեմբրիջի դուքսի ապագա կինը բացել է նվերը, հարցրել է՝ «Ի՞նչ է կատարվում»:

Ինքը՝ Ուիլյամը, խոստովանել է, որ չգիտի, թե ինչու է ընտրել այդ հատուկ նվերը: Նա նաև կատակել է, որ Միդլթոնը երբեք չի մոռանա այն:

Պատրաստեց Անի Գաբուզյանը