Տպել
Կատալոնական «Բարսելոնա»-ն մոտ է իսպանական «Վալենսիա»-ի հարձակվող Պակո Ալկասերի տեղափոխության գործարքն ավարտին հասցնելուն:
Ալկասերի տեղափոխության հարցով ընթացող բանակցությունների մասին խոսել է կատալոնական ակումբի փոխնախագահ Ժորդի Կարդոները, ով հաստատել է, որ կողմերը մոտ են համաձայնության գալուն:
«Մենք մոտ ենք Ալկասերի տեղափոխության գործարքն ավարտին հասցնելուն: Այս պահին ընթանում են վերջնական բանակցություններ: Մարզական տնօրեն Ռոբերտ Ֆերնանդեսը ձեզ տեղյակ կպահի նորություններից», – ասել է Կարդոները:
Նշենք, որ Ալկասերի՝ «Բարսելոնա» տեղափոխության գործարքի արժեքը գնահատվում է 30 միլիոն եվրո:
