Տպել
Е վիտամինի դեֆիցիտը կարող է առաջացնել մի ամբողջ շարք խնդիրներ, այդ թվում նյարդաբանական, պարզել են Օրեգոնի համալսարանի գիտնականները։
Նրանք փորձ են անցկացրել դանիո-ռերիո ձկնիկների մասնակցությամբ, որոնք շատ բաներով նման են մարդուն․ ձկան սաղմում ուղեղի սաղմը և նյարդային խողովակը վաղ են հայտնվում և ձևավորում նյարդային համակարգը, որը հետագայում կապվում է մարմնի բոլոր կառույցների հետ, հայտնում է Medical Express-ը։ Պարզվել է, որ Е վիտամինի պակասը առաջացրել է նյարդային խողովակի և ուղեղի արատների։ Այս արատները նման էին նրանց, որոնք զարգանում են ֆոլաթթվի դեֆիցիտի ֆոնին։
Նյարդային գագաթը (բջիջների հանրագումարը, որոնք արտադրվում են նյարդային խոովակում նյարդային փողրակիկի փակվելու ժամանակ դրա եզրային հատվածներից) նորմայի դեպքում կառավարում է դիմային ոսկրերի և կռճիկների ստեղծումը և մարմինը ինվերսիայի ենթարկում՝ մասնակցելով ծայրամասային նյարդային համակարգի կառուցմանը։ Ինչպես և ցողունային բջիջները, նյարդային գագաթի բջիջները կարևոր են գլխուղեղի և ողնուղեղի համար, դրանք կարևոր դեր են խաղում նաև օրգանների 10 տարբեր համակարգերի աշխատանքում, ներառյալ սրտի և լյարդի։ Եթե E վիտամինի դեֆիցիտի պատճառով այս բջիջների մոտ խնդիրներ են առաջանում, տեղի է ունենում ամբողջ սաղմի կարգավորման խանգարում։
Փորձի շրջանակում Е վիտամինի դեֆիցիտով սաղմերն ապրել են 24 ժամ, որից հետո սկսել են մահանալ։
Տվյալներ կան նաև այն մասին, որ պլազմայի մեջ Е վիտամինի փոքր պարունակությամբ հղիների շրջանում վիժման վտանգը մեծ է։ Բույսերն արտադրում են Е վիտամինի 8 տարբեր ձևեր, բայց մարդու լյարդը արյան հոսք է վերադարձնում միայն մի ձևը՝ ալֆա-տոկոֆերոլը։ Մյուս բոլոր ձևերը նյութափոխանակվում են ու օրգանիզմից դուրս գալիս։
