Տպել
Կորոնավիրուսի դեմ «Սպուտնիկ V» պատրաստուկով ռուսաստանցիների զանգվածային պատվաստումը պլանավորվում Է նոյեմբերի վերջին: Այդ մասին հայտնել Է «Ռ-Ֆարմ»-ի գլխավոր տնօրեն Վասիլի Իգնատեւը:
«Քննարկումը, խորհրդակցությունները եւ աշխատանքը ընթանում են բառացիորեն ամեն օր (…) Այժմ «Սպուտնիկ V» պատվաստանյութի արտադրության մասշտաբավորման գործում ընդգրկված Է 5 արտադրական հարթակ, ընդհանուր գնահատմամբ՝ զգալի քանակություն, եւ զանգվածային պատվաստումները կարող են սկսվել նոյեմբերի վերջից եւ դեկտեմբերին»,-ասել Է Իգնատեւը՝ հանդես գալով «Ինովացիայի բացահայտում» համաժողովում: Կորոնավիրուսի դեմ ռուսաստանյան առաջին պատվաստանյութը մշակվել Է Գամալեյայի անվան համաճարակաբանության եւ մանրԷաբանության ազգային հետազոտական կենտրոնում (ՀՄԱՀԿ)՝ Ռուսաստանի ուղղակի ներդրումների հիմնադրամի (ՌՈւՆՀ) հետ համատեղ, որն ստացել Է «Սպուտնիկ V» անվանումը: Այժմ այն հետգրանցումային հետազոտություններ Է անցնում Մոսկվայում, որին մասնակցում Է 40 հազար կամավոր, որոնցից 10 հազարը պլացեբո կստանա:
Դրան զուգահեռ պատվաստում են ստանում ռիսկի խմբերը՝ բուժաշխատողները, ուսուցիչները: Ռուսաստանյան երկրորդ պատվաստանյութը՝ Ռոսպոտրեբնադզորի «Վեկտոր» գիտական կենտրոնի «ԷպիՎակԿորոնա»-ն, գրանցվել Է հոկտեմբերի 14-ին:
Պատրաստուկի հետգրանցումային հետազոտություններին նույնպես կմասնակցի 40 հազար մարդ՝ Ռուսաստանի տարբեր տարածաշրջաններում, առանձին այն կթեստավորեն 60-ից բարձր տարիքի 150 կամավորների վրա: Ռուսաստանի Գիտությունների ակադեմիայի Չումակովի անվան կենտրոնը մշակել Է իր պատվաստանյութը: Այս պատրաստուկը նույնպես կլինիկական փորձարկումների փուլ Է անցնում, որին մասնակցում են 300 կամավորներ: Ինչպես սպասվում Է, պատվաստանյութը գրանցում կարող Է ստանալ մինչեւ տարեվերջ, հաղորդել Է «Ինտերֆաքս»-ը:
