Տպել
Եվրամիության արտաքին քաղաքական ծառայությունը եւ ԱՄՆ-ի Պետդեպարտամենտը հոկտեմբերի 23-ին գործի կդնեն կոնսուլտացիաների մշտական ձեւաչափը Չինաստանի հետ Արեւմուտքի հարաբերությունների շուրջը: Հոկտեմբերի 22-ին Եվրահանձնաժողովում կայացած ճեպազրույցում այդ մասին հայտնել Է Եվրամիության արտաքին քաղաքական ծառայության պաշտոնական ներկայացուցիչ Պետեր Ստանոն:
«Եվրամիության արտաքին գործերի եւ անվտանգության քաղաքականության գերագույն ներկայացուցիչ Ժոզեպ Բորելը վաղը բանակցություններ կվարի ԱՄՆ-ի պետքարտուղար Մայք Փոմպեոյի հետ, եւ այդ զրույցի ընթացքում մենք կհավաստենք Չինաստանի շուրջը կոնսուլտացիաների գործադրումը Եվրամիության արտաքին քաղաքական ծառայության եւ ԱՄՆ-ի Պետական դեպարտամենտի միջեւ»,- հայտարարել Է նա, հաղորդել Է ՏԱՍՍ-ը:
