Տպել
ԱՄՆ-ում հետընտրական լարվածությունների սրման ֆոնին, զենքի վաճառքը կտրուկ աճել է: Այս մասին հաղորդել է Russia Today հեռուստաալիքը:
ԱՄՆ հրազենի արդյունաբերության առևտրի խումբը հրապարակել է զեկույց, որում նշել է, որ ԱՄՆ նախագահական ընտրությունների օրը 30 րոպեի ընթացքում վաճառվել է ավելի քան 80 հազար փամփուշտ:
Մյուս կողմից, զենքի պահանջարկը մեծանալու պատճառով, զինապահեստարաններում արդեն զենքի դեֆիցիտ կա: Հրազենի վաճառքն աճել է 300-ից 500 տոկոսով:
Համաձայն հրաձգության սպորտի ազգային հիմնադրամի, ԱՄՆ-ում հոկտեմբերին զենքի վաճառքը հասավ նոր բարձրության՝ գերազանցելով 2016 թվականին սահմանված նախորդ ռեկորդը:
Միչ այս պահը ԱՄՆ նախագահական ընտրությունների արդյունքները վկայում են դեմոկրատների թեկնածու Ջո Բայդենի առաջատար լինելու մասին: Միացյալ Նահանգներում հետընտրական լարվածությունների և զինված բախումների ու բռնությունների սրման հետ կապված մտահոգությունները մեծացել են:
