Տպել
Black Lives Matter շարժման ներկայացուցիչները ցույցի են դուրս եկել Նյու Յորքի Մանհեթենում: Ցուցարարների շարասյունն ուղեկցել են ոստիկանությունը և մամուլի հսկայական թվով աշխատակիցներ:
Բախումներից խուսափել հնարավոր չեղավ: Երթի մասնակիցներից մեկի մոտ հայտնաբերեցին ու առգրավեցին շղթա և երկաթե ձող: Այդ մասին, հայտնել է ՌԻԱ Նովոստիի թղթակիցը: Ակտիվիստը ձերբակալվել է:
Ոստիկանները, որոնք ուղեկցում էին բազմությունը, մեկնաբանություններ չեն տալիս այս միջադեպի առնչությամբ: Բողոքի մասնակիցների բազմության մեջ կան սադրիչներ, որոնք վիրավորում են ոստիկանությանը:
Դրա հետ մեկտեղ նրանք հայտարարում են, որ կարգի պահապանները աշխատում են մարմնին ամրացված խցիկներով, որոնք անջատված են, ինչը նահանգի օրենսդրության խախտում է: Այնուամենայնիվ, բազմությունը եկավ Յունիոն-զբոսապուրակի մոտ:
Ցույցերը, որոնք սկզբում խաղաղ էին ընթանում, վերաճեցին հակամարտության, երբ, ականատեսների խոսքով, ոստիկաններից մեկը խնդրեց իրեն չնկարահանել հեռախոսով և սարքը մի կողմ հրեց: Բողոքողն իբրև թե հեռախոսով հարվածեց ոստիկանին: Իրադրությունը կտրուկ սրվեց, և տեղում իրավապահների լրացուցիչ ստորաբաժանումներ կենտրոնացվեց, սկսվեցին բախումներ ու ձերբակալություններ:
