Կվերացվեն ռազմական դրության շրջանակում գործող հավաքների անցկացման, հրապարակումների իրականացման և ՀՀ տարածք մուտքի և ելքի սահմանափակումները. Էդուարդ Աղաջանյան

Կվերացվի ռազմական դրության շրջանակներում կիրառվող հավաքների, գործադուլների անցկացման և դրանց մասնակցելու արգելքը, ինչպես կվերացվեն նաև ՀՀ տարածք մուտքի և ելքի հատուկ ռեժիմը և հրապարակումների, հաղորդումների իրականացման սահմանափակումներն ամբողջությամբ, այս մասին ֆեյսբուքյան իր էջում տեղեկացնում է ՀՀ վարչապետի աշխատակազմի ղեկավար Էդուարդ Աղաջանյանը։

«Սիրելի հայրենակիցներ,

Քիչ անց կհրապարակվի ՀՀ կառավարության 2020թ. դեկտեմբերի 2-ի թիվ 1917-Ն որոշումը, որով այլևս վերացվում են 2020թ. սեպտեմբերի 27-ից Հանրապետությունում հայտարարված ռազմական դրության շրջանակներում կիրառված հավաքների և գործադուլների կազմակերպման, անցկացման և դրանց մասնակցելու արգելքը, ՀՀ տարածք մուտքի և ելքի հատուկ ռեժիմը և հրապարակումների, հաղորդումների իրականացման սահմանափակումներն ամբողջությամբ»,- ասվում է Էդուարդ Աղաջանյանի գրառման մեջ: