Տպել
Մադրիդի քաղաքապետարանը կարծում Է, որ անցյալ շաբաթ սաստիկ ձյունամրրիկի ժամանակ քաղաքին հասցվել Է գրեթե 1,4 միլիարդ եվրոյի վնաս: Հունվարի 14-ին այդ մասին հայտարարել Է քաղաքապետ Խոսե Լուիս Մարտինես Ալմեյդան:
«Այս պահին մեք հաշվարկել ենք, որ վերջին օրերի ավերիչ վնասը կազմում Է 1,398 միլիարդ եվրո, ինչը հաշվարկված Է այն վնասի հիման վրա, որը հասցվել Է քաղաքի տնտեսական գործունեությանը, ենթակառուցվածքին եւ գույքին»,- նշել Է քաղաքագլուխը:
«Մենք (Իսպանիայի իշխանություններին) խնդրում ենք (Մադրիդը) հայտարարել աղետի գոտի, դրա համար կան բոլոր պայմանները, եւ ես կենտրոնական կառավարությանը խնդրում են շտապել պատասխանի հարցում»,- հավելել Է նա:
Մադրիդում հունվարի 8-ին սկսվել են ձյան սաստիկ տեղումներ, որոնք շարունակվել են 30 ժամ:
Վատ եղանակի պատճառով ընդհատվել Է Բարախաս միջազգային օդանավակայանի աշխատանքը, դադարեցվել Է երաթուղային հաղորդակցությունը, չեն երթեւեկել ավտոբուսները, մետրոպոլիետենն աշխատել Է ընդհատումներով: Իսպանիայի իշխանությունները երկրում մոլեգնած բուքը համարել են ամենասաստիկը վերջին 50 տարվա ընթացքում: Դրանից հետո երկիր Է եկել սառը ճակատը:
