«Ֆուտբոլիստը, բացի տաղանդավոր լինելուց, պետք է նաև լավ մարդ լինի». Սելյուկը՝ Մխիթարյանի մասին

Սկանդալային ֆուտբոլային գործակալ Դմիտրի Սելյուկն իր հարցազրույցների ժամանակ սիրում է անդրադառնալ այն հայ ֆուտբոլիստներին, ում հետ համագործակցել է՝ մեղադրական և հեգնական արտահայտություններ հնչեցնելով նրանց հասցեին:

Այս անգամ Սելյուկի թիրախը Հենրիխ Մխիթարյանն էր:

Սելյուկը համոզած է, որ, եթե ինքն աշխատեր Մխիթարյանի հետ, ապա նա ոչ մի խնդիր չէր ունենա մանչեսթերյան ակումբում, քանի որ իր հաճախորդներից և ոչ ոք ստիպված չի լինում «փտել» պահեստայինների նստարանին:

Սելյուկը հիշել է Մխիթարյանի կարիերայի սկիզբը, երբ ինքն առաջարկում էր Հենրիխին տեղափոխվել Շվեյցարիա, սակայն հետագայում նրան տարավ «Շախտյոր»:

«Մխիթարյանը շատ աշխատասեր ֆուտբոլիստ է:  Սակայն այլ բաներն էլ են կարևոր: Հիշեք՝ ինչպես  նա հեռացավ  «Շախտյորից» և «Բորուսիայից»:  Դրա մասին շատ է խոսում նաև Վատցկեն: Ֆուտբոլիստը, բացի տաղանդավոր լինելուց, պետք է նաև լավ մարդ լինի»,- նշել է Սելյուկը:

Սիրարփի Աղաբաբյան