Տպել
Լրագրող եւ հաղորդավարուհի Քսենյա Սոբչակը նկատել է, որ Գարիկ Մարտիրոսյանը НТВ հեռուստաալիքի «Маска» շոուի եթերում չի գովազդել «ադրբեջանական» թեյը։ Հումորիստը հանդիսանում է շոուի ժյուրիի անդամներից մեկը։ Ժյուրիի հինգ անդամները՝ Վալերիան, Ֆիլիպ Կիրկորովը, Ռեգինա Տոդորենկոն, Ռոդրիգեզը եւ Գարիկ Մարտիրոսյանը գործողության ընթացքում գնահատում են մասնակիցներին եւ խմում են հովանավորի տարբերանշանով բաժակներից:
«Աչքի է զարնում, որ Գարիկ Մարտիրոսյանը կամ առանց ըմպելիքի է նստում, կամ սեղանի վրա բաժակն այնպես է դնում, որ «Ազերչայ» գրությունը տեսանելի չլինի», – իր Telegram-ում գրում է Սոբչակը։ – Գարիկը հայ է, այստեղ ադրբեջանցի հովանավոր է, հակամարտության շրջանակներում դա հավանաբար շատ հարցեր կառաջացներ, եւ ահա նա թաքցնում է բաժակը:
