Տպել
Արմատներով արցախցի` բելգիաբնակ դաշնակահար Աշոտ Խաչատրյանը փետրվարի 4-ին «Արամ Խաչատրյան» համերգասրահում առաջին անգամ ելույթ կունենա Հայաստանի ազգային ֆիլհարմոնիկ նվագախմբի հետ:
Արմատներով արցախցի Աշոտ Խաչատուրյանը մինչ այդ ընկերների հետ փետրվարի 2-ին հանդես կգա կամերային բարեգործական համերգով, որի հասույթով ձեռք կբերվի դաշնամուր Ստեփանակերտի երաժշտական դպրոցի համար:
Փետրվարի 4-ին սիմֆոնիկ համերգին կհնչի Բեթհովենի Դաշնամուրի թիվ 3 կոնցերտը, որը Բեթհովենի և առհասարակ այս ժանրի լավագույն ստեղծագործություններից է: Այն մեծ ճանաչում է վայելել դեռ կոմպոզիտորի կյանքի օրոք և 250 տարի անց էլ դասվում է ամենահաճախ կատարվող ստեղծագործությունների շարքը: Կհնչի նաև Թիվ 2-րդ սիմֆոնիան՝ Բեթհովենի վաղ շրջանի ամենակատարյալ ստեղծագործություններից մեկը: Համերգը կղեկավարի ՀԱՖն գեղարվեստական ղեկավար և գլխավոր դիրիժոր Էդուարդ Թոփչյանը:
