Տպել
Նիկոլ Փաշինյանը երբեք չի գա իշխանության, թող բոլոր այն մարդիկ, ովքեր մի քանի տարի առաջ նրան ընտրեցին, հիմա էլ աշխատեն այն ուղղությամբ, որ նրան հեռացնեն: Այս մասին դատարանի բակում ասաց ՀՀ ԱԺ նախկին նախագահ Գալուստ Սահակյանը:
«Նիկոլի ներկայությամբ ընտրություններն արդեն իսկ ընտրություններ չեն, երբ նա եկավ իշխանության, խոսում էր 3-րդ նախագահի և Հանրապետական կուսակցության մասին, այդ ժամանակ բացի մեզանից՝ մնացած բոլորը մասնակցեցին նրա շարժմանը, խոսքը նաև ընդդիմադիր կուսակցություններին է վերաբերում, ինչպես Նիկոլին ընտրել են, այնպես էլ թող աշխատեն Նիկոլին հեռացնելու համար»,- ասաց Գալուստ Սահակյանը:
ՀՀ ԱԺ նախկին նախագահը նաև նշեց՝ Նիկոլ Փաշինյանը պայքարում էր բոլոր նրանց դեմ, ովքեր հերոս էին այս ազգի համար:
«Հիմնականում նա ընկավ այն մարդկանց հետևից, որոնք հերոս են, նրանց դեմ էր պայքարը գնում, բայց հիմնականում Սերժի և հանրապետականների դեմ էր ուղղված պայքարը, օրինակ՝ դագաղներ էին ուղարկում, սա այդ որակի մարդ է, և այդ մարդը ՀՀ-ում չպետք է լինի, նա չի գա իշխանության»,- ասաց ԱԺ նախկին նախագահը:
Գալուստ Սահակյանը նաև ընդգծեց՝ չի համարում Նիկոլ Փաշինյանին երկրի ղեկավար, նա շրջում է այդքան ոստիկանների ուղեկցությամբ և հանձնել է Արցախը:
«Ես չեմ համարում, որ նա իշխանության գլուխն է, քանի որ որևէ ղեկավար իր երկրում այդքան ոստիկաններով ման չի գալիս: Այդ մարդը խոսում էր ղարաբաղցիների մասին, ասում էր, որ ղարաբաղցիներն իրեն չեն ընտրել, ինչպես բա Արցախը հանձնեց»,- ասաց նա:
Նրա հավաստմամբ՝ որևէ մեկը չի վնասի Փաշինյանին, ազգը այլ ճանապարհով է գնալու:
«Ազգը գնում է իր ճանապարհով և ազգային գաղափարախոսությամբ, որը մեր ազգին ուժեղ է դարձնում»,- նշեց Գալուստ Սահակյանը:
