Տպել
Այսօրվա դրությամբ Փաշինյանն ավելի շատ վախենալու բան ունի իր թիմակիցներից, քան ընդդիմադիրներից,-«Փաստինֆո»-ի եթերում ասել է հոգեբան Միհրդատ Մադաթյանը՝ ավելացնելով, որ ընդդիմադիրների նպատակը հայրենիք կառուցելն է, ու բանակցությունների արդյունքում Նիկոլ Փաշինյանը նրանցից կարող է ստանալ ինչ-ինչ երաշխիքներ, միայն թե երկիրը վերջնականապես չկործանվի, բայց իր թիմակիցները այդ երաշխիքները չեն տա նրան, որպեսզի փրկեն իրենց։
Ըստ նրա՝ բավականին վտանգավոր իրավիճակ կստեղծվի, եթե Փաշինյանի հրաժարականից հետո որեւէ այլ իմքայլականի թեկնածություն առաջադրվի վարչապետի պաշտոնի համար ու նա դառնա վարչապետ, քանի որ այս դեպքում պարտված պատերազմի, հազարավոր զոհերի պատասխանատվությունն իրենից հեռացնելու համար կարող է բռնել Փաշինյանին, հայտարարել, թե նա միանձնյա որոշումներ է կայացրել, որից, իբր, «Իմ քայլը» տեղյակ չի եղել ու այդպես փորձեն պահել իշխանությունը։
Իրադարձությունների նման զարգացման դեպքում, ըստ հոգեբանի, Նիկոլ Փաշինյանը կնստի Նաիրի Հունանյանի կողքը հավերժ՝ իր թիմակիցների ձեռքով։
