Տպել
Իսպանական «Ռեալ Մադրիդ» ֆուտբոլային ակումբը կկորցնի 15 միլիոն եվրո «Լիվերպուլի» և «Բարսելոնայի» դեմ տնային խաղերում՝ թիմի պահեստային մարզադաշտում հանդիսատեսի բացակայության պատճառով , հաղորդում է իսպանական Football Espana պորտալը ՝ հղում տալով Marca թերթին։
Երեքշաբթի երեկոյան կայացավ Չեմպիոնների լիգայի քառորդ եզրափակչի «Ռեալ» – «Լիվերպուլ» (3: 1) առաջին հանդիպումը։Իսպանիայի առաջնության 30-րդ տուրի «Բարսելոնայի» դեմ տնային հանդիպումը «Ռեալը» խաղալու է այսօր երեկոյան:
Առանց հանդիսատեսի խաղերի ՝ «արքայական ակումբը» կկորցնի 15 միլիոն եվրո ՝ համաճարակից առաջ ընկած ժամանակահատվածի համեմատությամբ: Չնայած ծախսերի օպտիմալացմանը՝ Մադրիդը չի կարողացել խուսափել կորուստներից:
Նշվում է, որ խմբային փուլի յուրաքանչյուր տնային խաղում և Չեմպիոնների լիգայի 1/8 եզրափակչի հանդիպմանը «Ռեալը» կորցրել է 3 միլիոն եվրո: «Լիվերպուլի» հետ հանդիպումից կորուստները գնահատվում են 10 միլիոն եվրո:
