«Մենք շնորհակալ ենք այն երկրներին, որոնք պաշտոնապես ճանաչել են Հայոց ցեղասպանությունը». Սաթի Սպիվակովա

Հայտնի դերասանուհի, հեռուստահաղորդավարուհի, «Нескучная классика» նախագծի հեղինակ, հայտնի երաժիշտ Վլադիմիր Սպիվակովի կինը՝ Սաթի Սպիվակովան, ինչպես եւ շատ այլ հայտնի մարդիկ, հարգանքի տուրք է մատուցել 1915 թվականի Հայոց ցեղասպանության զոհերի հիշատակին:

«Այսօր Հայոց ցեղասպանության զոհերի հիշատակի օրն է», – գրել է նա Instagram-ում:- Հենց 1915 թ. ապրիլի 24-ին ձերբակալվեց եւ արտաքսվեց Ստամբուլի հայկական վերնախավը։ Առաջին համաշխարհային պատերազմի նախօրեին Օսմանյան կայսրությունում ապրում էր 2 մլն հայ, որոնցից մոտ 1,5 մլն-ը ոչնչացվեց 1915-ից մինչեւ 1923թ. ընկած ժամանակահատվածում: Մնացած կես միլիոն հայերը ցրվեցին ամբողջ աշխարհով: Այսօր մենք ոչ միայն հիշում ենք մեծագույն ողբերգությունը, այլեւ շնորհակալություն ենք հայտնում այն երկրներին, որոնք պաշտոնապես ճանաչել են Հայոց ցեղասպանությունը՝ այդպիսով ասելով «ոչ»․․․