Տպել
Վաստակավոր հեռուստահաղորդավար, «3 ալիք» լեգենդար հեռուստահաղորդման համահեղինակ Կարեն Քոչարյանի Facebook-յան գրառումը.
«Դեկտեմբերի 21-ին Երևանի քաղաքապետարանի ճեմասրահում կայացավ երիտասարդ ճանաչված լուսանկարիչ Վարդան Պետրոսյանի «Երևանս» խորագրով առաջին փակ ցուցահանդեսի բացումը։
Ցուցահանդեսի կազմակերպմանը աջակցել էին Երևանի քաղաքապետ Տարոն Մարգարյանը և քաղաքապետի խորհրդական Գագիկ Բաղդասարյանը։ Վերջինս, նվիրված լինելով Երևանին և իր անվանի հոր, հայ ֆոտոլրագրողության հիմնադիր Նեմրութ Բաղդասարյանի հիմնած ավանդույթներին, տարիներ շարունակ բազմիցս անդրադարձել է քաղաքամայր Երևանին ֆոտոցուցահանդեսների, մի շարք գրքերի և ֆոտոալբոմբերի ձևով:
Շնորհակալ եմ Գագիկին հրավերի համար, ինչպես նաև իր խոսքում «3 ալիքի» մեր կատարած երևանյան հաղորդաշարերին անդրադառնալու համար:
Շնորհավորում եմ Վարդանին նույնպես և իմ շնորհակալությունն եմ հայտնում նրա մեջ հիմնավոր իր տեղը գտած սիրո երևանյան համար, իր համեստության և բարձր պրոֆեսիոնալիզմի համար:
Ի դեպ, դեկտեմբերի 25-ից սկսած լուսանկարները կտեղափոխվեն «Մոսկվա» կինոթատրոն, որտեղ նույն օրը ժ․15։00-ին տեղի կունենա ցուցահանդեսի բացումը և կցուցադրվի մինչև 2017թ հունվարի 6-ը»։
Լուսանկարները՝ Կարեն Քոչարյանի Facebook-յան էջից:
