Տպել
Անկարայում Ռուսաստանի դաշնության դեսպան Անդրեյ Կառլովի սպանության գործով հետաքննությունը շարունակվում է:
Այս մասին հայտնում է թուրքական demokrathaber.org-ը:
Թուրք իարավապահները հայտնաբերել էին մարդասպան Մևլութ Մերթ Ալթընթաշի հեռախոսը, և աշխատանքներ են տարվում հեռախոսի 4 նիշից կազմված ծածկագիրը ապակոդավորելու ուղղությամբ:
Հետաքննության ընթացքում հանվել է մարդասպանի ելքային և մուտքային զանգերի ցուցակը, և քննչական աշխատանքներ են իրականացվում այն մարդկանց հետ, որոնց հետ մարդասպանը հեռախոսային խոսակցություններ է ունեցել:
Բերման է ենթարկվել մի կին, ում հետ մարդասպանը հաճախակի հեռախոսազրույցներ է ունեցել: Տեղեկությունների համաձայն, այդ կինը Ալթընթաշի ընկերուհին է:
Թուրքական ոստիկանությունը ռուս իրավապահներից կազմված խմբի հետ միասին հատուկ գործողություններ է իրականացնում սպանության պատվիրատուներին բացահայտելու և ցուցահանդեսին Ալթընթաշին անարգել մուտք գործելու հարցում օժանդակած անձանց բացահայտելու ուղղությամբ:
