Տպել
Արքայազններ Ուիլյամն ու Հարին ներկա կլինեն մոր՝ արքայադուստր Դիանային նվիրված հուշարձանի բացմանը։ Սակայն եղբայրները որոշել են նվազագույնի հասցնել շփումը. նրանք միջոցառման ընթացքում առանձին ելույթ կունենան։ «Նրանցից յուրաքանչյուրը պնդել է, որ պատրաստի իր առանձին տեքստը»,- հայտարարել է ինսայդերը։
Անկախ տարաձայնություններից, Ուիլյամն ու Հարին միասին են ընտրել ու պատվիրել արձանը։ Այն կբացվի Դիանայի լոնդոնյան տան դիմաց հուլիսի 1-ին՝ նրա ծննդյան օրը․ Դիանան 60 տարեկան կդառնար։ «Նրանց համար դա շատ կարեւոր է։ Իհարկե, հույս կա, որ մոր մասին հիտաշակը կարող է վերականգնել շփումը նրանց միջեւ, սակայն հիմա դա չափազանց անկայուն է երեւում։ Առայժմ նրանց մարմինների լեզուն խոսում է այն մասին, որ նրանց մոտ դեռ ամեն ինչ հարթ չէ, եւ նրանք չեն կարողանա ելույթ ունենալ մի ճակատով»,- հավելել է աղբյուրը։
Prince William with Diana, Princess of Wales and Prince Harry on the day he joined Eton in September 1995. (Photo by Anwar Hussein/WireImage)
LONDON – MAY 7: (FILE PHOTO) Princess Diana, Princess of Wales with her sons Prince William and Prince Harry attend the Heads of State VE Remembrance Service in Hyde Park on May 7, 1995 in London, England. (Photo by Anwar Hussein/Getty Images)
Արքայազնների հարաբերությունները փչացել են, երբ Հարին կնոջ՝ Մեգան Մարքլի հետ թողել է թագավորական պարտականություններն ու հեռացել Մեծ Բրիտանիայից։ Իրավիճակը սրել է հարցազրույցը, որում Մեգանը հայտարարել է, որ ամուսնու հարազատներն իրեն ստիպել են արտասվել եւ նվաստացրել։ Արքայազնի կնոջ խոսքով՝ ամուսնությունից առաջ իր ու Քեյթ Միդլթոնի միջեւ կոնֆլիկտ է սկսվել։ Նրանք չէին կարողացել լուծել հարցը, որը կապված էր հարսանիքի մասնակիցների հագուստների հետ։
