Տպել
2021 թվականի ավարտին Վրաստանը Իսրայելից կստանա արդիականացված «Ռաֆայել» հակաօդային պաշտպանության համակարգը: Այս մասին ասել է Վրաստանի պաշտպանության նախարար Ջուանշեր Բուրչուլաձեն:
Վրաստանի «Ռաֆայել» կոնցեռնի հետ 2020 թ ստորագրված համագործակցության համաձայնագիրը ենթադրում է երկրի հակաօդային պաշտպանության համակարգի ամբողջական վերականգնում:
«Մինչև այս տարվա վերջ մենք կստանանք «Ռաֆայել» հակաօդային պաշտպանության արդիականացված համակարգ: Նախատեսվում է ձեռք բերել նաև ժամանակակից շարժական զենիթահրթիռային համակարգ, որը հագեցած կլինի մանևրող ստորաբաժանումներով:
Բուրչուլաձեն խոսել է նաև ՀՕՊ համակարգերի մատակարարման շուրջ Ֆրանսիայի հետ համաձայնագրի շրջանակներում ընթացող բանակցությունների մասին: Նրա խոսքով՝ գործող պայմանագրով պաշտպանական ուժերն արդեն ունեն ֆրանսիական արտադրության օդային հսկողության ռադար, շարժական հրամանատարաշտաբ և «Միստրալ -3» հրթիռներ:
