Տպել
Մի քանի օր առաջ Մեգան Մարքլի ամուսինը հարցազրույց է տվել, որտեղ կտրուկ քննադատել է երեխաներին դաստիարակելու իր ծնողների ոճը, ինչպես նաեւ տատիկին ու պապիկին: Թագավորական ընտանիքի շատ անդամներ կարծում են, որ նման արարքից հետո Հարիին պետք է հրաժարվի բոլոր տիտղոսներից։
36-ամյա արքայազն Հարից պահանջել են հրաժարվել տիտղոսից այն սկանդալային հարցազրույցից հետո, որը նա տվել է ամերիկացի դերասան Դեքս Շեպարդին: Տղամարդը խիստ քննադատել է իր հոր՝ արքայազն Չարլզի դաստիարակության ոճը։ Սասեքսի դուքսը համոզված է, որ իր հայրն իր հերթին «տառապել է» Եղիսաբեթ II-ի եւ արքայազն Ֆիլիպի ընտանիքում: Մեգան Մարքլի ամուսինը մտադիր է ընդհատել «արատավոր ցիկլը» եւ իր ժառանգորդ Արչիին բոլորովին այլ դաստիարակություն տալ:
Դուքսի խոսքերը պայթող ռումբի ազդեցություն են ունեցել։ Արքայազն Հարին մինչ այդ էլ քննադատել էր սեփական ընտանիքին, սակայն այս անգամ, ինչպես կարծում են շատերը, անցել է բոլոր սահմանները։ Եղիսաբեթ II-ը վերջերս հուղարկավորել է արքայազն Ֆիլիպին, որի կորստի հետ չի կարողանում հաշտվել մինչ օրս։ Այնուամենայնիվ, Սասեքսի դուքսն առանց խղճի խայթի վիրավորել է հանգուցյալ պապիկին։ Դրանից հետո թագավորական ընտանիքի որոշ անդամներ ցանկանում են, որ Հարիին զրկել արքայազնի եւ դուքսի տիտղոսից:
«Այստեղ ներքաշել պապիկիս, որին նոր են հուղարկավորել ցնցող ու անհարգալից է։ Սասեքսի դուքսը շատ ժամանակ է ծախսել ինստիտուտի վրա, որն իբր այնքան ցավ է պատճառել նրան։ Շատերի մոտ միանգամայն արդարացի հարց է առաջանում՝ եթե քեզ այդպես դուր չէր գալիս այդ ինստիտուտը, ինչիդ են պետք այդքան տիտղոսները», – դատողություններ է անում թագավորական ընտանիքին մոտ կանգնած աղբյուրը (նրան մեջբերում է The Sun-ը)։
Նրանց հետ համաձայնում է նաեւ մեկ այլ փորձագետ, որն արքայազն Հարիի պահվածքը «վրդովեցուցիչ» է անվանում։ Աղբյուրի խոսքով՝ վերջին հարցազրույցը խիստ վշտացրել է թագուհի Եղիսաբեթ II –ին։ Ավելին, շատերը դուքսի արարքն անվանում են իսկական դավաճանություն։ Ի դեպ, The Sun թերթի զրուցակիցները կասկածում են, որ Հարին եւ Մեգանը, որոնք արդեն թագավորական պարտականությունների զգալի մասն են կազմում, կշարունակեն հրաժարվել տիտղոսից: Բանն այն է, որ զույգի թագավորական գերարտոնությունները գլխավոր այցեքարտն էին Spotify եւ Netflix ընկերությունների հետ բանակցություններում՝ թույլ տալով բազմամիլիոնանոց պայմանագրեր ստանալ Հոլիվուդում։
