Լևոն Արոնյանը հերթական ոչ-ոքին խաղաց Բուխարեստի մրցաշարում

Հայ գրոսմայստեր Լևոն Արոնյանը Բուխարեստում անցկացվող «Superbet Chess classic» շախմատային մրցաշարի 4-րդ պարտիան ոչ–ոքի է խաղացել:

Արոնյանը ոչ–ոքի հաշվով էր ավարտել Ուեսլի Սոյի (ԱՄՆ) և Ֆաբիանո Կարուանայի (ԱՄՆ), ինչպես նաև ռումինացի գրոսմայստեր Կոնստանտին Լուպուլեսկուի (տանտերերի իրավունքով մրցաշարին մասնակցում են երկու տեղացի շախմատիստներ) հետ պարտիաները: 4-րդ տուրի պարտիան Արոնյանը ոչ-ոքի է խաղացել գրոսմայստեր Անիշ Գիրիի (Հոլանդիա) հետ:

10 շախմատիստներից երկուսը` Ալեքսանդր Գրիշչուկը (Ռուսաստան) և Ուեսլի Սոն, հավաքելով 2,5 միավոր, աղյուսակի առաջին հորիզոնականում են, ևս վեցը (ներառյալ Արոնյանը) ունեն 2–ական միավոր, Գիրին և Մաքսիմ Վաշյե-Լագրավը (Ֆրանսիա)՝ 1,5–ական միավոր: