Տպել
Ներարկման հատվածում ցավը ամենատարածված կողմնակի ազդեցությունն է կորոնավիրուսի դեմ պատվաստուման ժամանակ:
Daily Express-ը կիսվել է մի քանի խորհուրդներով, թե ինչպես կարելի է նվազեցնել ձեռքի ցավը:
- Ներարկման հատվածի վրա կարելի է ջրի մեջ թրջած մաքուր կտոր դնել, որը կօգնի նվազեցնել այտուցն ու ցավի զգացողությունը:
- Պետք է հիշել, որ որոշ մարդկանց մկանները ավելի լավ են հանգստացնում ոչ թե սառը, այլ տաք թրջոցով:
- Որոշ դեղամիջոցներ, ինչպիսիք են ասպիրինը, իբուպրոֆենը, պարացետամոլը, նույնպես կարող են օգնել պայքարել տհաճ զգացողությունների դեմ: Այնուամենայնիվ, հարկ է հիշել, որ չպետք է դրանք չարաշահել:
- Պատվաստումից հետո խորհուրդ է տրվում ձեռքը ակտիվ օգտագործել, օրինակ` ծալել եւ ուղղել, քանի որ այդ կերպ մեծանում է արյան հոսքը ներարկման հատված, ինչը օգնում է նվազեցնել ցավը:
Բացի այդ, պատվաստումից անմիջապես առաջ մասնագետները խորհուրդ են տալիս թուլացնել ձեռքը, իսկ պատվաստվելու պահին՝ չլարել:
