Տպել
Գվատեմալայում դիաբետ ունեցող մի կին մահացել է մուկորմիկոզից, որն անվանվում է նաեւ «սեւ բորբոս»։
Սա այդ հիվանդությունից գրանցված մահվան առաջին դեպքն է։ Այս մասին տեղեկացրել է երկրի առողջապահության նախարարությունը Twitter-ի էջում։
«Համաճարակաբան, բժիշկ Էդվին Կալգուան տեղեկացրել է, որ պացիենտը, որի մոտ հաստատվել է մուկորմիկոզ ախտորոշումը, տառապում էր շաքարային դիաբետով, չնայած անհրաժեշտ բուժմանը, մահացել է հունիսի 29-ին»,- ասել են գերատեսչությունում։
Պացիենտը վարակվել էր կորոնավիրուսով, որը թուլացրել էր նրա օրգանիզմը։ Ըստ երեւույթին, հենց դա է դարձել նրա մահվան պատճառը սնկային բարդությունից։
Հիմա մասնագետները ուսումնասիրում են էլի մի քանի մահացու ելքեր, որոնք կարող են կապված լինել «սեւ բորբոսի» հետ։ Սակայն դրանք առայժմ լաբորատոր հաստատում չեն ստացել։
