«Հա, մի զարմացեք, սա Գյումրիում է, Շիրակ օդանավակայանն արդեն բաց է»

Հա, մի զարմացեք, սա Գյումրիում է, Շիրակ օդանավակայանն արդեն բաց է։ Արդեն մեր մոտ էլ բոլոր քաղաքացիները կսպասարկվեն միջազգային չափորոշիչներին համապատասխան սրահներում, որտեղ կտեսնենք արդեն Գյումրիի եւ Հայաստանի պատմական կառուցները` Լոդկա շենքը, եկեղեցիները, Ձիթողցոնց տունը, Մարմաշենի վանական համալիրը եւ այլն։

Ժամանման հին սրահը, որն ուներ 400 քառ/մ մակերես, դուրս էր նորմերից և ուղևորների համար խնդիրներ էր առաջացնում, մինչդեռ կառուցված նոր սրահն ունի 870 քառ/մ մակերես, որտեղ գործում են անձնագրային հսկողություն իրականացնող 8 խցիկ և ուղեբեռի փոխադրման ժապավեն, որի շնորհիվ կվերացվեն ուղևորների համար նախկին դժվարությունները: Նոր սրահը հնարավորություն է տալիս 1 ժամում սպասարկել 1 չվերթ։

Թռիչքուղին ունի 3220 մետր երկարություն և 45 մետր լայնություն: Թեև դրա ասֆալտապատ ծածկույթի կյանքի տևողությունը միջինում 10 տարի է, «Շիրակ» օդանավակայանի թռիչքուղին վերջին անգամ նորոգվել էր 2007թ.: 14 տարվա շահագործման արդյունքում թռիչքուղու վրա առաջացել էին բազմաթիվ ճաքեր ու վնասվածքներ: Կառուցվել է նաև ջրահեռացման նոր համակարգ: