Տպել
Երեկ ՔՊ-ական պատգամավոր Նազելի Բաղդասարյանը մանդատը վայր դրեց: Ինչպես արդեն տեղեկացրել ենք, նա մանդատը վայր է դրել, քանի որ եկող շաբաթ նշանակվելու է Շիրակի մարզպետ:
Իշխանությունն այդ որոշումը կայացրել է հոկտեմբերի 17-ի Գյումրիի ՏԻՄ ընտրություններից հետո, որտեղ իշխող կուսակցությունը պարտվեց նախկին քաղաքապետի կուսակցությանը։
Նազելի Բաղդասարյանի՝ մարզպետ նշանակվելու մասին տեղեկությունը ոչ միայն Գյումրիում, այլև ֆեյսբուքում է տարատեսակ քննարկումների առիթ դարձել։ Պարզվում է՝ իշխող իշխանության այդ որոշումը այդքան էլ գյումրեցիների սրտով չէ։ Բնիկ գյումրեցի, պրոդյուսեր Ռուբեն Մխիթարյանը գրում է․
«88-ից սկսած Շիրակի մարզը փորձադաշտ է, մի զարմացեք, թուլացեք ու հաճույք ստացեք»։
Գյումրիում ՏԻՄ ընտրություններին ընդառաջ ստեղծված «Թասիբով» դաշինքի առաջնորդ Կարապետ Պողոսյանն էլ կոլորիտային գյումրեցի, մշակույթի վաստակավոր գործիչ, հանգուցյալ Հասմիկ Կիրակոսյանին է հիշել․
«Քուրը մարզպետ՝ ախպերը քաղաքապետ։ Ողորմի քեզի Կիրակոսյան Հասմիկ, լավ խոսք ուներ էս մասով»։
Քաղաքական գործիչ Արսեն Բաբայանը կարծում է, որ ՔՊ-ն այսկերպ պատժում է Շիրակի մարզը։ Արձագանքները բազմաթիվ են նաև սովորական օգտատերերի կողմից, որոնցից մի քանիսը ներկայացնում ենք ստորև։
