Տպել
Կլինիկական ախտանշանների բացակայությունը, ռենտգենյան լուսանկարը եւ շնչառական թեստերը թոքերի վերականգնման երեք գլխավոր նշաններն են ախտահարումից հետո։ Այսպիսի կարծիք է հայտնել թոքաբան Սերգեյ Բաբակը (Ռուսաստան)։
«Վերականգնման առաջին նշանները հիվանդության կլինիկական ախտանշանների՝ հազ, խորխ եւ շնչարգելություն, բացակայությունն է։ Դրանք պետք է լիովին բացակայեն։ Եթե դրանք պահպանվում են երկար ժամանակի ընթացքում կամ դրանց միանում են սուլող շնչառությունը, խռխռոցով շնչառությունը, պետք է անհապաղ դիմել բժշկական օգնության համար»,- ասել է մասնագետը Ura.ru-ի հետ զրույցում։
Երկրորդ նշանը կապված է թոքերի ռենտգենաբանական փոփոխությունների հետ։ Մասնագետի խոսքով՝ չի կարելի չարաշահել ԿՏ-ախտորոշումը։ Եթե ԿՏ հետազոտությունը նոր է անցկացվել, այն պետք է փոխարինել ռենտգենյան նկարով։
Մասնագետը նաեւ նշել է, որ տարիքի հետ մարդու մոտ կուտակվում են բորբոքային պրոցեսների նշաններ թոքերի հյուսվածքում։
Շնչառական թեստերը բաժանվում են երեք բաղադրիչի։ Շնորհիվ սպիրոմետրիայի կարելի է չափել թոքերի ծավալը։ Պլետիզմոգրաֆիան ցույց է տալիս մնացորդային ծավալը։ Դրա մեծ թվով կուտակման դեպքում շնչարգելությունն ուժեղանում է։ Դիֆուզիոն թեստը թթվածնի՝ ալվեոլներով անցնելու եւ զարկերակային արյան մեջ լուծվելու կարողությունն է եւ ցույց է տալիս, թե որքանով են պացիենտի ալվեոլները տուժել։
