Տպել
ՀՀ աշխատանքի և սոցիալական հարցերի նախարարության Միասնական սոցիալական ծառայության Սևանի տարածքային կենտրոնի աշխատակցուհի Արմինե (Արմենուհի) Նադարյանն այս օրերին հանդիսանում է նաև Փաշինյանի մոլի պաշտպան Արամ Զ. Սարգսյանի գլխավորած «Հանրապետություն» կուսակցության՝ Սևան խոշորացված համայնքի ավագանու ցուցակի 3-րդ համարը:
Սևանից այս օրերին ստացված ահազանգերի համաձայն՝ Արմինե Նադարյանը, օգտվելով իր զբաղեցրած պաշտոնից, զանգահարում կամ ուղղակի իր մոտ է հրավիրում Միասնական սոցիալական ծառայության Սևանի շահառուներին և հրահանգելով՝ խնդրում, խնդրելով՝ հրահանգում, որ վերջիններս իրենց քվեն տան «Հանրապետություն» կուսակցությանը:
Հավելենք նաև, որ Սևանի ավագանու ընտրությունների մասնակից «Հանրապետության» ցուցակի առաջին համարը հանդիսանում է սույն տիկնոջ եղբոր տղան՝ Աշոտ Նադարյանը:
Սևանից ահազանգողները պնդում են, որ պետությունը, իշխանությունները «խուլ ու համր» են ձևանում Արմինե Նադարյանի այս վարքագծի հանդեպ: Ստացվում է՝ պետական լծակներից անխնա օգտվում են ոչ միայն ՔՊ-ական թեկնածուները, այլև նրանց քույր ուժերը՝ ի դեմս Արամ Զավենիչի:
Վերոնշյալը մեկ անգամ ևս փստում է, որ Արամ Զ. Սարգսյանի գլխավորած «Հանրապետությունն» ընտրապայքարի մեջ է մտել որպես Փաշինյանի «նախագիծ»-կուսակցության:
