Տպել
Ճապոնացի գիտնականները պարզել են, որ կորոնավիրուսի «օմիկրոն» շտամը վաղ փուլում 4.2 անգամ ավելի արագ է փոխանցվում, քան «դելտայի» հնդկական տարբերակը, հաղորդում է Bloomberg-ը։
Ըստ Կիոտոյի համալսարանի պրոֆեսոր Հիրոշի Նիշիուրայի, որը վերլուծել է հարավաֆրիկյան Գաուտենգ նահանգի բնակիչների տվյալները, «օմիկրոնն» ավելի արագ է փոխանցվում և «խուսափում է բնական ճանապարհով և պատվաստանյութերի միջոցով ձևավորված իմունիտետից»։
Փորձագետը հայտարարել է, որ նոյեմբերին Հարավային Աֆրիկայում պատվաստումների մակարդակը տվյալների հավաքագրման պահին եղել է 30%-ից պակաս, որի պատճառով մարդիկ այս շտամով վարակվել են «բնական ճանապարհով»։ Նա հորդորել է ուշադիր հետևել շտամի տարածման միտումին՝ պարզելու համար, թե ինչպես է այն «իրեն դրսևորում» պատվաստումների բարձր մակարդակ ունեցող երկրներում։
