Տպել
Սպորտը միլիոնավոր մարդկանց համար պարզապես խաղ չէ, այլ ապրելակերպ։
Ամբողջ աշխարհի ֆուտբոլասերներն ունեն իրենց տոնը՝ Ֆուտբոլի միջազգային օրը։ Շնորհակալություն պետք է հայտնել ՄԱԿ-ին, որն առաջարկել է ամեն տարի դեկտեմբերի 10-ը նվիրել ֆուտբոլասերներին։
Ամենակրքոտ ֆուտբոլասերների շարքում են ֆուտբոլիստների կանայք և ընկերուհիները, որոնց համար, պարզվում է, կա անգլերեն հապավում` wags (Wifes And Girlfriends): Ֆուտբոլի միջազգային օրվա առթիվ, որոշել ենք ներկայացնել լավագույն մարզիկների ամենահայտնի և հաջողակ կանանց:
Շակիրա և Ժերար Պիկե
Լատինաամերիկացի երգիչուհի Շակիրան, մինչ «Բարսելոնայի» կենտրոնական պաշտպանի հետ հանդիպելը, 11 տարի հարաբերությունների մեջ է եղել արգենտինացի փաստաբան Անտոնիո դե լա Ռուայի հետ։ Երգչուհին և ֆուտբոլիստը ծանոթացել են Waka Waka երգի տեսահոլովակը նկարահանելիս 2010 թվականին: 1 տարի անց զույգը հաստատել է իրենց հարաբերությունները՝ ինստագրամում տեղադրելով համատեղ լուսանկար: 2013 թվականին ծնվել է նրանց առաջնեկը՝ Միլանը, իսկ 2015 թվականին՝ Սաշան։ Ասում են՝ զույգը հարսանիք է պլանավորում:
Անա Իվանովիչ և Բաստիան Շվայնշտայգեր
Անան և Բաստիանն իրենց հայրենի Գերմանիայում ամենահայտնի մարզիկներից են. Բաստիանը ֆուտբոլիստ է, Անան՝ թենիսիստուհի։ Անայի անունն ու ազգանունը սերբական ծագման են. մարզիկ Միրոսլավ և Դրագանա Իվանովիչները դեռևս ապրում են Բելգրադում։ Թենիսիստուհու հաջողությունը կորտում տպավորիչ է. Անան 2008 թվականի Ֆրանսիայի բաց առաջնության հաղթող է, Մեծ սաղավարտի երկու այլ առաջնությունների եզրափակիչ և WTA կանանց թենիսի ասոցիացիայի 15 առաջնությունների հաղթող։ 2016 թվականին Իվանովիչն ամուսնացել է Շվայնշտայգերի հետ: Կարիերան ավարտելուց երկու տարի անց զույգը որդի է ունեցել:
Վիկտորյա Բեքհեմ և Դևիդ Բեքհեմ
Վիկտորյա Ադամսը՝ բոլորի սիրելի Posh Spice-ը սուպեր հանրահայտ Spice Girls կվինտետից, հայտնի էր 2000-ականների ամենագեղեցիկ մարզիկի հետ հանդիպումից դեռևս շատ տարիներ առաջ: Այժմ Վիկին հաջողակ դիզայներ է (ըստ բրիտանական Express-ի՝ տիկին Բեքհեմի անձնական կարողությունը կազմում է 450 մլն դոլար), 4 երեխաների մայր և սիրելի կին։
Անտոնելա Ռոկուցո և Լիոնել Մեսսի
Անտոնելա Ռոկուցոյի և Լիոնել Մեսսիի ռոմանտիկ պատմությունը երազի է նման. Արգենտինայի հավաքականի ապագա առաջատարն ու իր սիրելին միմյանց ճանաչում են մանկուց, նրանց ծնողները ընկերներ են եղել: Մինչ Մեսսին ֆուտբոլիստի կարիերա էր կառուցում, Ռոկուզոն մարզվում էր որպես սննդաբան և աշխատանքի էր անցել տեղի ֆիթնես ակումբում Այժմ զույգը պաշտոնապես ամուսնացած է: 2018 թվականին Լեոն և Անտոնելան երրորդ անգամ ծնողներ են դարձել: Այժմ Անտոնելան զբաղվում է երեխաների դաստիարակությամբ և Instagram-ի իր էջով, որն ունի մինչև 10 միլիոն բաժանորդ:
Պիլար Ռուբիո և Սերխիո Ռամոս
Պիլարը իսպանացի թղթակից և հայտնի հեռուստահաղորդավար է հայրենի Իսպանիայում: Սերխիո -Պիլար զույգը հանդիպել է 2012 թվականի հուլիսի 2-ին՝ Եվրո-2012-ում Իսպանիայի հավաքականի հաղթանակի տոնակատարության ժամանակ։ Երկու տարի անց զույգն ունեցել է իրենց առաջնեկին։ Այժմ զույգն արդեն 4 երեխա ունի:
